Xəbərlər
17 sentyabr 2014
Ənənəvi olaraq bu il də sentyabrın 18-də "Üzeyir musiqi günü" təntənəli şəkildə qeyd olunur. "İçərişəhər" Dövlət Tarix-Memarlıq Qoruğu İdarəsinin Marionet teatrı bayram tədbirinə "Arşın mal alan" tamaşası ilə qatılacaq. Azərbaycan Təhsil Nazirliyinin dəstəyi ilə sentyabrın 18, 19 və 20-də "Arşın mal alan" operettası Şüvəlan qəsəbəsindəki sağlamlıq imkanları məhdud uşaqlar üçün 12 nömrəli xüsusi internat məktəbində İdarənin Marionet teatrının quruluşunda tamaşaya qoyulacaq. Tamaşanı 12 saylı internat məktəbi ilə yanaşı, 1, 2 və 11 saylı internat məktəblərinin şagirdləri də seyr edə biləcəklər.
5 iyul 2014
Uğurla davam edən "İpək Yolu" V Beynəlxalq musiqi festivalının dördüncü günündə Sabit Rəhman adına Şəki Dövlət Dram teatrında tamaşaçılara Bakı Marionet Teatrının Azərbaycan xalqının dahi bəstəkarı Üzeyir Hacıbəylinin "Arşın mal alan" musiqili komediyası əsasında hazırladığı eyniadlı tamaşa təqdim olunmuşdur.
10 fevral 2011
"İbrus" Teatrının səhnəsində "İçərişəhər" Dövlət Tarix-Memarlıq Qoruğu İdarəsinin təşkilati dəstəyi ilə "Tərlan Qorçu Marionet Teatrı" tərəfindən Üzeyir Hacıbəyovun eyniadlı əsəri əsasında hazırlanmış "Arşın mal alan" tamaşası göstərildi. Bu klassik əsər əcnəbi tamaşaçıların xüsusi marağına səbəb olub və böyük rəğbətlə qarşılanıb.
