Xəbərlər
20 mart 2023
Bakı Marionet Teatrında 2016-cı ildən etibarən işıq üzrə rəssam vəzifəsində çalışan, ən qabaqcıl, müasir işıqlandırma və səsləndirmə sistemləri üzrə ölkəmizin tanınmış sənətkarı olan Azər Muxtarov 50-illik yubileyi münasibəti ilə və teatrın uğurlu fəaliyyətindəki xidmətlərinə görə “İçərişəhər” Dövlət Tarix-Memarlıq Qoruğu İdarəsinin təbriknaməsi ilə təltif olunub.
16 mart 2023
Ənənəvi yaz bayramı Novruzun gəlişi ərəfəsində Bakı Marionet Teatrında “Arşın mal alan” tamaşasının daha bir xeyriyyə nümayişi keçirildi. Tamaşaya “İçərişəhər” Dövlət Tarix-Memarlıq Qoruğunun ərazisində yaşayan sakinlərdən uşaqlar və gənclər, ağsaqqallar və Qarabağ müharibəsinin qaziləri dəvət olunmuşdu. Tamaşadan sonra qonaqlar teatrın aynabənd mərtəbəsində onlar üçün təşkil olunmuş çay süfrəsinə toplaşdılar. “İçərişəhər” DTMQ İdarəsinin və Marionet Teatrının rəhbərliyi tədbirin iştirakçılarını salamlayaraq hamını Novruz bayramı münasibətilə təbrik etdi.
28 fevral 2023
Bu ilin növbəti Novruz çərşəmbəsi olan 28.02.2023-ci il tarixində Bakı Marionet Teatrında özəl bir tədbir keçirildi – “İçərişəhər” Dövlət Tarix-Memarlıq Qoruğu İdarəsinin rəhbərliyi və İçərişəhərin Ağsaqqallar Şurasının üzvləri üçün “Arşın mal alan” tamaşası nümayiş etdirildi.
23 fevral 2023
23 fevral 2023-cü il tarixində Bakı Marionet Teatrında növbəti dəfə xeyriyyə tamaşası göstərildi - məxsusi olaraq "ASAN Könüllüləri" üçün Üzeyir bəy Hacıbəylinin "Arşın mal alan" musiqili komediyası nümayiş etdirildi
11 fevral 2023
Fevralın 6-da səhər saatlarında (4.17-də) episentri Türkiyənin cənubunda yerləşən Kahramanmaraş bölgəsindəki Pazarcık ilçəsində Rixter cədvəli üzrə 7,8 bal gücündə dağıdıcı zəlzələ baş verdi. 9 saatdan sonra bölgədə 7,6 bal gücündə ikinci güclü zəlzələ meydana gəlmişdir və bu da ciddi dağıntılara və zədələnmiş binaların dağılmasına səbəb oldu. Zəlzələdən zərər çəkmiş Adıyaman, Kilis, Osmaniyə, Qaziantep və Malatya ilə yanaşı Şanlıurfa, Diyarbakır, Adana və Hatayda da məskunlaşan 13,5 milyon sakinlərin arasında 2 milyona yaxını suriyalı qaçqınlar da vardır.
Fikir və dualarımız zəlzələ qurbanları, onların ailələri və bütün zərər çəkənlərə yönəlmişdir. Bakı Marionet Teatrı Türkiyə və Suriyada baş vermiş zəlzələdən zərər çəkənlərə yardım və xilasetmə işlərinə dəstək məqsədilə bütün Azərbaycanın qatıldığı tədbirlərə qoşularaq, 11 fevral 2023-cü il tarixində göstərdiyi tamaşadan əldə etdiyi gəliri müvafiq yardım hesabına köçürmüşdür.
