Xəbərlər
7 iyun 2021
Dünya mədəniyyətinə ağır itki üz verdi – Gürcü xalqının böyük oğlu, məşhur rejissor, dramaturq, rəssam, heykəltəraş... sözün ən dolğun mənasında böyük bir sənətkar Rezo Gabriadze vəfat etdi.
1981-ci ildə Gabriadze məşhur Tbilisi Marionet Teatrını qurdu və bütün gələcək həyatını onunla bağladı. 1980-ci illərin ortalarında bu böyük Ustadla birbaşa peşəkar əməkdaşlıq, sənət və enerji mübadiləsi sayəsində gənc azərbaycanlı rejissor və rəssam Tərlan Qorçu Bakıda marionet teatrı yaratmaq fikrinə gəlmişdir. Odur ki, Rezo Gabriadze bizim teatrımızın da açılmasına dolayısı ilə təkan verənlərdən olmuşdur.
Rezo Gabriadze dünya kinosunun "Qəm yemə!" (1969) və "Mimino" (1977) kimi şah əsərləri də daxil olmaqla 35-dən çox filmin ssenari müəllifidir.
Gabriadze 84 yaşında Tbilisidə vəfat etdi.
Xatirən daim ürəklərdə yaşayacaq, əziz Ustad!
20 oktyabr 2020
Qarabağ Azərbaycandır! Lütfən, şəxsi profilinizdə aşağıdakı bannerlərdən istifadə etsəniz məmnun olarıq!
A1, A2, A3 ölçülü AĞ və ya QARA zəminli posterlər çap etmək üçün aşağıdakı linklərdən istifadə edin:
(Loqotipin müəllifi — Tərlan Qorçu)
Ölçüsü: A3 Zəmin rəngi: AĞ
Ölçüsü: A3 Zəmin rəngi: QARA
Ölçüsü: A2 Zəmin rəngi: AĞ
Ölçüsü: A2 Zəmin rəngi: QARA
Ölçüsü: A1 Zəmin rəngi: AĞ
Ölçüsü: A1 Zəmin rəngi: QARA
12 oktyabr 2020
90-cı illərin əvvəlində Qarabağda döyüşən yaralı əsgərlərimizə “Arşin mal alan” tamaşasını göstərəndə biz elə bilirdik ki, bu haqsızlıq uzun sürməyəcək. Tezliklə torpağlarımız qaytarılacaq, qaçqınlarımız doğma evlərinə dönəcək, hər şey əvvəlki axarına düşəcək.
Lakın by ayrılıq uzun sürdü. Torpaqlarımızın 20 faizi işğal olundu, bir milyon insan evsiz-eşiysiz qaldı, 30 ilə yaxın davam edən danışıqlar isə heç bir nəticə vermədi.
“Yetər artıq” - deyə Azərbaycan əsgəri işğalçı Ermənistan ordusunun 27 sentyabırda əl atdığı növbəti təxribata əks hücümla cavab verdi. Qulağımız səsdə, gözümüz yolda, 30 il gözlədiyimiz gün nəhayət gəlib çıxdı!
Ümidliyik! Qoluna qüvvət, Azərbaycan Əsgəri! İnşallah, sənin şücaətin sayəsində xalqımızın Şuşalı oğlu - dahi Üzeyir Hacıbəylinin yaratdığı əsərlər doğma Qarabağ torpağına dönəcək, onun musiqisi burada yenidən səslənəcək!
Qarabağ Azərbaycandır! Biz Qarabağa qayıdırıq!
P.S. 2 gün öncə Marionet Teatrının kollektivi Azərbaycan Respublikasının Silahlı Qüvvələrinə Yardım Fonduna 5 000 manat vəsait köcürüb.
10 dekabr 2019
Üzeyir Hacıbəylinin məşhur “Leyli və Məcnun” muğam operası Bakı marionet teatrının quruluşunda 100-cü dəfə nümayiş etdirildi. Bu münasibətlə teatrda böyük yubiley tədbiri hazırlanmışdır. Qeyd etmək lazımdır ki, “Leyli və Məcnun” tamaşasının premyerası 2016-cı ilin sonunda keçirilərək teatr binasının möhtəşəm əsaslı təmirindən sonrakı açılışına təsadüf etmişdir.
6 dekabr 2019
Bakıda dekabrın 6-da Avropa-Qafqaz-Asiya nəqliyyat dəhlizinin inkişafı üzrə Əsas Çoxtərəfli Sazişin imzalanmasının 20-illiyinə həsr olunmuş beynəlxalq konfrans və TRASEKA Hökumətlərarası Komissiyasının Daimi Katibliyinin XIV iclası keçirilmişdir. Azərbaycanın İqtisadiyyat Naziri cənab Mikayıl Cabbarovun dəvəti ilə TRASEKA-ya üzv və müşahidəçi ölkələrin rəsmiləri, eləcə də yubiley tədbirlərində iştirak edən beynəlxalq təşkilatların nümayəndələri həmin gün axşam saatlarında Bakı marionet teatrına təşrif buyurub, “Leyli və Məcnun” tamaşasını seyr edib, dahi Üzeyirin musiqisini böyük maraqla dinləyiblər.
